Li dijî desteserkirina Şaredariya Colemêrgê ciwanan dest bi berxwedanê kirin. Ciwanên ku li gelek nuqteyan rastî êrîşa polîsan hatin. Ciwanan li taxan bend danîn, bi kevir û daran bersivê dan êrîşên polîsan.
Li dijî girtina Hevşaredarê Colemêrgê Mehmet Siddik Akiş û tayînkirina qeyûm li şaredariyê li gelek deverên Colemêrgê çalakî tên lidarxistin. Li navenda bajêr tevî dorpêça polîs û leşkeran jî ciwanan meşiyan.
Ciwanan gelek caran bênavber dirûşmeyên "Bijî berxwedana zindanan", "Bijî Serok Apo", "Girtiyên siyasî rûmeta me ne", "Colemêrg wê ji qeyûm re bibe goristan”, "Em ê bi berxwedanê bi ser bikevin" û "Kurdistan wê ji faşîzmê re bibe goristan" berz kirin.
Polîsan li gelek nuqteyan êrîşî ciwanan kirin. Li hemberî êrîşa polîsan ciwanan li taxan bend danîn û bi kevir û daran bersiv dan êrîşan.
Li gelek deverên bajêr berxwedan didome.
