Di şeva 3'ê Nîsanê de, wesayîteke polîsan a bi tîpa Akrep, ku li taxa Karşiyakayê li dewriyê digeriya, li mala ku birayên Yildirim lê bûn, ket. Wesayîta zirxî dîwar hilweşand, ket hundirê xanî û pê li Mûhammed Yildirim ê 7 salî û Fûrkan Yildirim ê 6 salî kir. Her du bira li vê derê jiyana xwe ji dest dan.

Hat ragihandin, ajokarê vê wesayîta zirxî hatiye girtin.

Li Kurdistan û Tirkiyeyê, ku ji bo hêzên dewletê sîstema cezakirinê naxebite, bi taybetî di demên dawî de hêzên dewletê sûcên gelekî giran kirin. Gelek bajar û taxên Kurdan hatin hilweşandin û bi sedan sivîl hatin kuştin. Ji ber van sûcên giran, rayedarekî dewletê nehatiye darizandin.