Daxuyaniya Navenda Ragihandin û Çapemeniyê ya HPG'ê ya li ser mijarê wiha ye:

"Di daxuyaniya 3'ê Tebaxê de me ragihandibûn ku 1'ê Tebaxê saet 02:10'an li herêma Navyanê Şaxa ya Şirnexê li dijî yekîneyeke Tirk a li nêzî Girê Misto ji çar baskan ve çalakiyeke berfireh hatiye kirin û 11 leşkerên dijmin hatine kuştin. Di dewama daxuyaniyê de me diyar kiribûn ku dijmin piştî çalakiyê bi desteka hewayî dest bi operasyonê kiriye û 2'ê Tebaxê li herêma Besta Biluzerê ji ber bomberdûmanê 2 hevalên me şehîd bûne. Ji ber vê bomberdûmanê bi giştî sê hevalên me yên leheng şehîd bûn.

18'ê Tebaxa 2018'an, artêşa TC a dagirker li mintiqeya Gilindor a qada Gundikê Remo ya li Çiyayê Cûdî yê Şirnexê bi desteka hewayî dest bi operasyonê kir. Ji ber operasyonê şer qewimî û ji ber êrîşên hewayî hevalê me Aso Şaho şehîd bû.

Nasnameya şehîdan wiha ye:

Nasnav: Rojîn Jiyan Nav paşnav: Nîgar Kamûranî Cihê jidayikbûnê: Merîwan Dayik-Bav: Pexşon-Noşil Dem û cihê şehadetê: 2'ê Tebaxa 2018'an / Şirnex

Nasnav: Serkeft Gabar Nav paşnav: Goran Mûhammed Cihê jidayikbûnê: Kerkûk Dayik-Bav: Fatma-Mûhammed Huseyîn Dem û cihê şehadetê: 2'ê Tebaxa 2018'an / Şirnex

Nasnav: Şiyar Sofî Nav paşnav: Nûrettîn Alî Mûhemmed Cihê jidayikbûnê: Qamişlo Dayik-Bav: Vahbiye-Alî Dem û cihê şehadetê: 2'ê Tebaxa 2018'an / Şirnex

Nasnav: Aso Şaho Nav paşnav: Hamît Huseyîniyan Cihê jidayikbûnê: Kirmaşan Dayik-Bav: Mahsûltan-Mîrhusen Dem û cihê şehadetê: 18'ê Tebaxa 2018'an / Şirnex

JI SÊ PARÇEYÊN KURDISTANÊ TEVLÎ NAVA REFÊN GERÎLA BÛN

Her çar hevalên me yên ji Rojava, Başûr û Rojhilatê Kurdistanê tevlî nava refên gerîla bû, li çiyayên Kurdistanê ji bo azadiya gelê Kurd şer kirin û şehîd bûn. Ev yek nîşan dide ku şoreşa Kurdistanê di afirandina ruhê neteweyî de têkilî û girêdaneke xurt daniye. Bi tevlîbûna me ya li çar parçeyên Kurdistanê re, her hevalên me bi hişmendiya neteweyî şer dikin û li dijî hêzên qirker-dagirker bi xurtî li ber xwe didin. Di serî de hevalên me Rojîn, Şiyar û Serkeft ên li Besta Biluzerê şehîd bûn û hevalê me Aso yê li Cûdî şehîd bû, bi vê hişmendiyê têkoşiyan bi sekneke fedayî heta kêliya dawî şer kirin.

Her hevalên me yên şehîd bûne şopeke watedar li nava têkoşîna me hiştine. Ji ber şehadeta wan, em ji malbatên hêja yên hevalên xwe û gelê me yê welatparêz re sersaxiyê dixwazin. Em soza xwe dubare dikin ku heta avakirina Kurdistan Azad ku xewn û xeyala şehîdan bû, bi rengekî bê eman em ê têbikoşin."