Medya Çinar li Mêrdînê li ser gora xwe hate bîranîn
Medya Çinar ku li dijî tecrîda li ser Rêberê Gelê Kurd Abdullah Ocalan di sala 2019'an de li Girtîgeha Tîpa E ya Mêrdînê çalakiya fedayî kir û dawî li jiyana xwe anî, li ser gora xwe hate bîranîn.
Medya Çinar ku li dijî tecrîda li ser Rêberê Gelê Kurd Abdullah Ocalan di sala 2019'an de li Girtîgeha Tîpa E ya Mêrdînê çalakiya fedayî kir û dawî li jiyana xwe anî, li ser gora xwe hate bîranîn.
Girtiya siyasî Medya Çinar li Girtîgeha Tîpa E ya Mêrdînê di 25'ê Adara 2019'an de li dijî tecrîdê çalakiyeke fedayî kiribû û dawî li jiyana xwe anî bû.
Çinar li gundê Margikê yê navçeya Qoserê li ser gora xwe hate bîranîn.
Malbat û rêveberên HDP’ê û aktîvîstên TJA’yê Çinar li ser gora wê ya li gundê Margik a bi ser navçeya Qosera Mêrdînê ve bibîr anîn. Dayikên Aştiyê jî tevli bîranînê bûn. Şandeya HDP’ê û jinan ji aliyê dayika Çinarê, Çaçan Çinar ve hat pêşwazîkirin. Li ser gorê deqîqeyek rêz hat girtin.
Hevseroka HDP’a Qoserê Aysel Ayav di bîranînê de axivî û got ew ê xwedî li têkoşîna Medya Çinar û hevalên wê derkevin û cangoriyên xwe bi rêzdarî bibîr tînin.
Piştre aktîvîsta TJA’yê Emîne Înan jî axivî û bal kişand ser têkoşîna jinên kurd û destnîşan kir ku ew ê li dijî tecrîdê têbikoşin û Medyayê û cangoriyên din ji bîr nekin.
Bîranîn bi berzkirina dirûşma “Şehîd namirin” bi dawî bû.