Malbatên 34 kesên li Roboskî ji ber bomberdûmana balafirên şer ên Tirk jiyana xwe ji dest dan, di hefteya 316. a lêgerîna li edaletê de li ser gora xizmên xwe li hev civiyan.

'BILA KUJER BÊN CEZAKIRIN'

Velî Encu bi navê malbatan daxuyanî da û xwest, Roboskî û komkujiyên mîna wê bên ronîkirin û berpirsyar werin cezakirin. Encu got, "Em ne darbeyê, ne rewşa awarte, ne jî biryarnameyan dixwazin! Em edalet û demokrasiyê dixwazin."

Encu destnîşan kir ku têkoşîna wan a ji bo Roboskî û edaletê wê bidome.