Gel ji bo guh bide bangê ji sê deriyan ketin nava qadê. Li Wanê ku welatiyên li bajarên derdor jî li hev civiyan, coş û hêvî balê kişand.

Hin kesên ku lê qadê bûn hestên xwe wiha rave kirin:

Halît Adiyaman: Bi hezaran kes niha ji bo aştiyê li vir in û hêviya vê bangê ye. Heta ku Birêz Abdullah Ocalan azad nebe, wê aştî pêk neyeê. Em dixwazin aştî were Tirkiyeyê û bi hev re bijîn. Em ji bo ku zilmên tên kirin bi dawî bibin, li vir in. Niha çavê her kesî li daxuyaniya Rêber Apo ye.

Mûstafa Alturk: Îro ji bo hemû cîhanê rojekî pir girîng e. Em bi êşkence û zilman hatin heta vê rojê. Peyama Serok Apo ji bo me û gelê me pir girîng e. Em ji bo encamê bi heyecan in.

Hacî Ronahî: Îro ji bo gelê Kurd û hemû gelên cîhanê rojeke dîrokî ye. Em ji bo vê roja dîrokî li vir kom bûne. Guh û çavên me li ragihandina aştiyê ya mezin a dîrokî ye. Em li benda peyama dîrokî ya Birêz Abdullah Ocalan in, ji ber ku mifteya aştiyê Abdullah Ocalan e. Her bijî Serok Ocalan.

Yakûp Aslan: Em aşitiyeke azad û birûmet dixwazin. Ev yek bi peyama Birêz Ocalan pêkan e. Em weke gelên Kurd, Tirk, Ereb, Çerkez û hemû gelên din êdî aşitiyê dixwazin. Em dikarin bi hev re aşitiyê pêk bînin.

 Ayşe Ergul: Em bi vê daxuyaniyê gelekî kelecan in. Ji ber ku hevdîtina li gel pêşengê têkoşîna jinan a ji bo azadiyê ji bo me cihê kêfxweşiyê ye. Silava ku dê ji Birêz Ocalan were gelekî girîng e û em gelekî bi kelecan in. Em di wê baweriyê de ne ku dê bi peyama Birêz Ocalan û pêşengiya hemû jinan aşitî were dabînkirin.

Abdullah Babat ê ku piştî 30  salan hatî tehliyekirin: Ez gelekî bi kelecan im. Ev demeke dirêj e hemû gelên li herêmê li benda vê rojê ne. Ji bo me jî rojeke dîrokî ye. Ev 30-40 sal in em bi vê xeyalê dijîn û ez bawer dikim ku dê tiştên baş rû bidin. Ji bo me gelê Kurd îro  rojeke taybet û girîng e. Dê ji bo me Kurdan bibe rojeke dîrokî. Me gelek destkeftîbi dest xistin û a niha rewşa gelê Kurd gelekî baş e. Îro ew roj e ku têkoşîna heyî  êdî belav bûye.