Xelkê Makuyê Newroza îsal bi coş li ber stranên şoreşgerî pîroz kirin.

Tevî ewlekariyeke zêde jî xelkê herêmê daketin qadan, agirê Newrozê vêxistin û Newroz pîroz kirin. Di pîrozbahiyê de hejmara zêde ya jinan bal kişand ser xwe û li ber sirûdên ”Şervano”, ”Berxwedan Jiyane” û ”Gerîla ha Gerîla” Newroz bi coş pîroz kirin.

Xelkê herikîn qadê bi cil û bergên netewî û gelerî reng dan Newrozê.

Di pîrozbahiya Newrozê de xwişka Zeyneb Celaliyan a girtiya siyasî  û xwişka Şîrîn Elem Holî girtiya siyasî ya ku tevî Ferzad Kemanger, Helî Heyderiyan û Mehdî Îslamiyan li girtîgeha Êvînê ji aliyê dewleta Îranê ve hatibûn darvekirin amade bûn.