Li navçeya Hezexê ya Şirnexê Newroz bi dirûşma "Dem dema serketinê ye" bi coşeke mezin hate pîrozkirin.

Pîrozbahî li be avahiya HDP'ê ya Hezexê hate lidarxistin û li gel endamên Meclîsa Dayikên Aştiyê, TJA, Hevseroka HDP'ê ya bajêr Sabûha Akdag, Parlamenterê HDP'ê yê Şirnexê Huseyîn Kaçmaz û Hevşaredarên Hezexê bi hezaran kes tevlî bûn.

Di pîrozbahiyê de ku bi deqeyeke rêzgirtinê dest pê kir tim û tim dirûşmên "Bijî Serok Apo", "Em ê bi berxwedane bi ser bikevin" û "Jin, jiyan, azadî" hatin qîrîn.

Bi navê Komîteya Amadekar a Newrozê Hevserokê HDP'ê yê Hezexê Ahmed Îdem axivî, xelkê Hezexê nîşan da û destnîşan kir ku li gel zext û zordariyê jî dest ji têkoşîna xwe berneda.

Parlamenterê HDP'ê yê Şirnexê Huseyîn Kaçmaz jî bal kişand ser girîngiya Newrozê ji bo Kurdan û destnîşan kir ku têkoşîn her roj bêhtir mezin dibe.

Huseyîn Kaçmaz got, "Eger çareseriya pirsgirêka Kurd tê xwestin, muxatab Birêz Ocalan e" û destnîşan kir ku çareserî li Îmraliyê dibe.

Piştî qisekeran Koma Hezex, Grûp Mûnzûr û Agît Işik derketin ser dikê. Piştre jî Hîvron hunera xwe pêşkêş kir.