Li Hewlêrê agir bi kampeke koçberan ket: Ciwanekî jiyana xwe ji dest da
Li Hewlêrê agir bi kampa Behirke ya koçberan ket. Hate ragihandin ku ji ber şewatê ciwanekî 17 salî jiyana xwe ji dest daye.
Doh bi şev agir bi kampa koçberan a Behirke ya li Hewlêrê ket.
Ji ber şewatê 5 konên koçberan şewitîn û ciwanekî 17 salî jiyana xwe ji dest da.
Niştecihên kampa Behirke koçberên ji deşta Nînova û parêzgeha Selahaddîn e.
Meha Îlonê jî agir bi heman kampê ketibû. Ji dema avabûna vê kampê ve zêdetirî 20 bûyerên şewatê li nava kampê rû dane.
