Li Kerkûkê di meşê de ya ku ji Parka Kelehê heta taxa Şorîceyê girseyê dirûşmên“Bijî berxwedana Şengalê”, “Bijî berxwedana Rojava”, “Bijî Serok Apo”, “Erdoganê faşîst” berz kirin û li taxa Şorîceyê daxuyaniya çapemeniyê dan.

Di daxuyaniya li ser navê komîteya çalakiyê ya Kerkûkê de êrîşên dewleta Tirk hatin şermezarkirin û hat diyarkirin ku bi van êrîşan dixwazin DAIŞ û Erdogan ji tasfiyeyê rizgar bikin.

Di daxuyaniyê de hat gotin: “Erîş li destkeftiyên Kurdan hatine kirin” wiha hate destnîşankirin: “Erdoganê faşîst û dewleta Tirk enfalbûna Kurdan ji xwe re wekî peywir û mafekî meşrû dibîne. Divê hêzên navdewletî li hemberî van êrîşan bêdeng nemîne.”

Komîteyê di daxuyaniya xwe de diyar kir ku berdevkê pêşmergeyên PDK’ê, PKK’ê ji erîşan berpirs dibîne û ev tişt bêberpirsyarî û nokerî ye û got: “Saziya wezareta pêşmergeyan ji binî ve li jêr kontrola PDK’ê de ye. Divê hemû partiyên li parlemento û yên li derveyî parlementoyê li hemberî êrîşên dewleta Tirk a faşîst û daxuyaniyên PDK’ê helwesta xwe diyar bikin. Her kes dizane ku dewleta Tirk dixwaze Başûr û Rojava dagir bike. Divê gelê me li her hera dinyayê rabin piyan û têkoşîna xwe geş bikin.”

Li Kerkûkê jî êrîşên li Şengal û Rojava hatin şermezarkirin. Di meş û daxuyaniya çapemeniyê de ya li Kerkûkê li hemberî nokeriya Tirkan banga têkoşînê li hemû Kurdan hate kirin.