Li Geverê di dema derbasbûna wesayitên zirxî de teqînekê rû da
Li navçeya Gever a Colemêrgê dema ku wesayitên zirxî yên polîsan derbas dibûn teqîneke mezin rû da. Tê gotin ji ber teqînê mirî û birîndar hene.
Li taxa Eskî Kişla ya navçeya Geverê ya Colemêrgê nîvê şevê teqîneke mezin rû da.
Li gorî agahiyên ji çavkaniyên xwecihî hatin wergirtin, teqîn nîvê şevê saet di 23:30 de dema ku wesayitên zirxî yên polîsan derbas dibû pêk hat.
Hate ragihandin ku ji polîsên Tirk mirî û birîndar hene û gelek ambûlans û hêzên polîsan sewqî herêmê hatin kirin.
