Li Geverê çalakî
Gerîlayên HPG’ê li Girê Aliyavwa yê Geverê li dijî qereqola ku tê avakirin, çalakiyek li dar xist.
Gerîlayên HPG’ê li Girê Aliyavwa yê Geverê li dijî qereqola ku tê avakirin, çalakiyek li dar xist.
Navenda Ragihandin û Çapemeniyê ya HPG’ê têkildarî çalakiyên gerîlayan ev tişt diyar kir:
“Di çarçoveya qonaxa duyemîn a Pêngava Şehîd Bedran Gundikremo û Şehîd Nalîn Mûş de hêzên me, di roja 13’ê Cotmehê saet 17:10’an de li dijî qereqola nû ya artêşa Komara Tirkiyeyê ya li girê Gundê Aliyawa yê girêdayî navçeya Geverê ya Colemêrgê çalakiyek li dar xist. Di çalakiyê de li kozikên dijmin hate xistin û hejmara kuştî û birîndarên dijmin nehate tespît kirin.
OPERASYONA LI ŞAXÊ BÊYÎ KU ENCAMÊ WERBIGIRE VEKIŞIYA
Di 6’ê Cotmehê de artêşa Tirk a dagirker li herêmên Hûrîs, Kanî Kilê û Geliyê Tizisê yê girêdayê navçeya Şaxê ya Wanê operasyon dabû destpêkirin. Artêşa Komara Tirkiyeyê ya dagirker bi helîkoperên Kobra qad bomberdûman kir û di şeva 8’ê Cotmehê de bêyî ku encamê werbigire, bi paş ve vekişiya.”