Bi nêzîkbûna hilbijartinên xwecihî re AKP li Erdîşê bi rêya polîs û leşkeran zexteke giran li gel dike. Li navçeya Erdîş a Wanê, polîs û leşkeran dema dawî avêtin ser bi sedan malbatan, bi sedan kes destgîr kirin û bi dehan ji wan jî girtin. Di nava 22 rojên dawî de li Erdîşê 90 kes hatin destgîrkirin, 47 kes hatin girtin.

Di nava 2 mehên dawî de di 200 serdegirtinan de ji sedan binçavkiriyan 93 kes hatin girtin.

Di navbera 5 û 7'ê Sibatê de 29 kes hatin destgîrkirin û 23 ji wan bi îdîaya "alîkariya ji bo rêxistinê" û "endametiya rêxistinê" hatin girtin. 6 kes jî bi şertê kontrola edlî hatin berdan.

Di nava 22 rojên dawî de herî kêm 90 kes hatin destgîrkirin ku yek ji wan jineke extiyar a 86 salî bû ku nexweşa tansiyon û şekir e. Ji 90 kesên destgîrkirî 47 kes bi îdîaya "alîkariya ji bo rêxistinê" û "endametiya rêxistinê" hatin girtin.