Ciwanên Welatparêz ên Kurdistanê li bajarê Silêmanî li ser çiyayê Ezmer li cihê ku Endamên KCK’ê Demhat Egîd (Seyîdxan Ayaz) û Cemîl Amed (Eser Irmak) ji aliyê balafirên dewleta dagirker ê Tirk hatibûn şehîdxistin, agirê Newrozê dadan.
Ciwanên Welatparêz ên Kurdistanê li çiyayê Gowîje (Ezmer) ê Silêmanî agirê Newrozê pêxistin û bi avêtina fîşekên hewayî Newroz pîroz kirin. Ciwanan li cihê ku Şehîd Cemîl Amed û Şehîd Demhat Egîd lê şehîd bûbûn, agirê Newrozê vêxistin.
Ciwanan li ber stranên Newrozê govend gerandin her wiha dirûşmeyên ‘’Newroz pîroz be”, “Bijî Serok Apo” û “Bijî Newroz” berzkirin.
Dîmenê agirê Newrozê û fîşekên hewayî ji navenda Silêmanî jî dihat dîtin.
