Hunermendê Kurd Beytocan ku bi salan li hemberî nexweşiya kanserê li ber xwe dida, di 12'ê Îlonê de li paytexta Swêd Stockholmê koça dawî kir.

Malbata Beytocan li taxa Dîclekent a navçeya Peyasê ya Amedê li Mala Sersaxiyê ya Bedîuzzaman sersaxî danî.

Gelek xizm û hezkiriyên hunermend serdana malbatê kir. Sersaxî wê rojên În û Şemiyê li Navenda Çand û Hunerê ya Dîcleyê ya li navçeya Sûrê bêne qebûlkirin.

Hunermend Armanc diyar kir ku li gorî wasiyeta Beytocan cenazeyê wî wê roja Înê li Stockholmê bê veşartin.