Li gorî agahiyan 6’ê Tebaxê saet 19.00’an bi ser qereqola Gemanê ya Çelê ya Colemêrgê de di heman demê de du çalakî hatine kirin. Di çalakiyê de wesayiteke transît a li hewşa qereqolê û 5 leşkerên li cem bûne hedef û bi çekên giran û sivik derb li wan hatiye xistin.

Li gorî agahiyên ku nûçegihanên ANF’ê ji jêderên xwecih û rayedarên HPG’ê standine di vê çalakiyê de 5 leşker hatin kuştin.

Her wiha duh ber nîvrokî gerîlayan bi ser asayiş û qereqola Çeman a Şemzînanê de girtine û li vir jî hin leşker hatine kuştin û hin birîndar bûne.

Dîsa şevê dî saet derdora 19.00’an gerîlayan bi hawanan li girê Alîşêr ê Geverê xistine û gelek rokêt li kozikên leşker ên li ser gir ketine. Lê çend leşker hatine kuştin û birîndar bûne, diyar nebûye.

Piştî vê çalakiyê artêşa Tirk kete nav tevgera hewayî û balafir bi derengiya şevê herêma Xakurkê bome kirine.