Li gorî agahiyên ku şêniyên herêmê belav kirine, ev demeke ku leşkerên dewleta Tirk a dagirker bi awayekî kêyfî guleyan li sewalên şêniyên gundewarê Makûyê direşînin û sewalên wan dikujin.

Li gorî heman agahiyan heta niha bi dehan sewal kuştine û bi sedan jî birîndar kirine.

Sewalvanî çavkaniya sereke ya debara şêniyên wê herêmê ye.

Hêjayê gotinê ye ku beriya niha roja 29'ê Nîsanê jî balafirên şer ên dewleta Tirk a dagirker li Şînoyê du ciwanên Kurd ku ji bo debara jiyana xwe giya berhev dikirin kiribû armanc û di encamê de her du ciwan hatibûn qetilkirin. Rayedarên rejîma Îranê heta niha tu bertekek nîşanê wan bûyeran nedaye.