Kongreya Civaka Demokratîk (KCD) ji bo salvegera Komkujiya Parîsê daxuyaniyeke nivîskî da.
Di daxuyaniyê de sê jinên şoreşger ên Kurd Sakîne Cansiz, Fîdan Dogan û Leyla Şaylamez hatin bibîranîn û hate gotin, ''Di pêvajoyeke wiha de ku bi hikûmet û dewleta Tirk re muzakereyan dest pê kiribû, ev suîkast nîşan dide bê ka dewlet çawa nêzîkatiyê li têkoşîna mafdar a Kurdan dikin.''

'ROLA SEREKE YA JINÊ'

Di daxuyaniyê de wiha hate gotin:

''Israra civakbûnê ya gelên Kurdistan û Rojhilata Navîn a li hemberî modernîteya kapîtalist, rola sereke ya jinên Kurd a di civakbûn û bi parastina nirxên çandî re pêşxistina têkoşîna çandî û rêxistinkirina civaka exlaqî-polîtîk radixe ber çavan.

Mirov dikare bi hêsanî bibêje ku Sakîne Cansiz (Sara) yek ji pêşenga têkoşîna azadiya Kurd a ku jiyana xwe ya şoreşgerî gengeşiya hezar salan a nasnameya jinan û neteweyan derxistiye holê, li hemberî pergala desthilatdar a zilam têkoşiyaye. Ji ber vê yekê bi 2 rêhevalên xwe re li Parîsa ku yek ji navenda hegemonyaya kapîtalîzmê ye hatin qetilkirin.

'PÊDIVÎ Bİ PEVGIHÎNEKE BÊSÎNOR A JINAN HEYE'

Ji Rozayan heta Sarayan; wextê ku mirov her du suîqest-komkujî di aliyê dem-cîh û tevgavbûna modernîteyê tîne ber hev, wê were dîtin ku ji bo pêşketina enternasyonaliya jinên cîhanê û  gîhandina hemû jinan a tu sînoran nas nakin di demeke kurt divê de pêk were.''