Ji ber ku ji Rêberê Gelê Kurd Abdullah Ocalan agahî nayên stendin, DBP’ê giştînameyek weşand. Bi daxwaza ku bila çalakî werin lidarxistin ev giştîname ji endamên Meclîsa Partiyê, serokên rêxistinên bajar û navçeyan hate şandin.

‘DIVÊ TECRÎD WERE RAKIRIN; HEVDÎTIN PÊK WERE’

Giştîname wisa ye:

"Rêzdar Abdullah Ocalan, 18 sal in li dijî pîvanên hiqûq û zagonên navneteweyî di bin zextan de ye. Bi awayekî keyfî û li dijî mirovahiyê bi polîtîkayên taybet di bin şertên tecrîda giran de li Pergala Îmraliyê tê girtin. Bi taybetî di 2 sal û nîvên dawî de di bin tecrîdek giran de tê girtin. Di bin tecrîdê de bi tu awayî agahî jê nayê girtin. Bi parêzer û malbata xwe re nikare hevdîtinê bike. Di demên dawî de li ser hesabê ne fermî yên medyaya civakî, agahiyên cuda hatin belavkirin. Ew îddîa pir talûke û bi fikar in. Em ji tenduristî û ewlehiya Birêz Ocalan bi fikar in. Em dixwazin şertên tecrîda giran a li ser Ocalan demek berî demekê bi dawî bibe."  
 
BERNAMEYA ÇALAKIYAN
 
Di giştînameya ku ji hemû rêxistinên navçe, bajar, jin û ciwanan re hat şandin de hat diyar kirin ku divê teqez li dijî tecrîda mutlak têkoşînek mezin bê meşandin û wiha hat gotin: “Ji bo dawî li tecrîd û îzolasyona li ser Birêz Ocalan bê, divê saziyên mafên mirovan ên navneteweyî zorê li hikumetê bikin da ku malbat û parêzer karibin hevdîtinê bikin û fikarên der barê tenduristiya Birêz Ocalan de derbas bibe. Ji bo vê yekê divê hemû rêxistinên me xebatên xwe bigirin dest. Ji bo rasterast gel agahdar bikin û mafê xwe yên demokratîk bi dest bixin, divê meşên girseyî, daxuyanî, çalakiyên rûniştinê, daxuyanî, grevên birçîbûnê, bên lidarxistin. 
 
DBP'ê di giştinameyê de bername wisa eşkere kir: 
 
•  Ji dîroka giştînameyê heta 29'ê Cotmehê divê hemû rêxistinên navçe û bajarên me bi girseyî daxuyaniyan bidin çapemeniyê. 
 
• Ji 30'ê Cotmehê heta 4'ê Mijdarê divê bi girseyî nameyan ji birêz Ocalan re bişînin. Dîsa ji bo hevdîtina bi Ocalan re ji Wezareta Dadê, Serdozgeriya Komarê ya Bûrsayê, CPT û saziyên mafên mirovan ên navneteweyî re daxwaznameyan bişînin. 
 
•  Ji 4'ê Mijdarê heta 12'ê Mijdarê li hemû rêxistinên navçe û bajaran bi awayekî dorveger çalakiyên greva birçîbûnê bên destpêkirin. Divê fînal bi çalakiya rûniştinê bi dawî bibe. 
 
• Ji 12'ê Mijdarê heta 19'ê Mijdarê divê meş, çalakiyên rûniştinê, panel û civînên gel, çalakiyên li derve û hundir bi awayekî zêde bên lidarxistin. 
 
• Di vê pêvajoye de divê hemû rêveberên me û rêxistinên me yên bajar û navçeyan ji bo mijar bibe rojev, piştî saet 17.00’ê êvarî dest bi xebatên tax û malan bikin.

• Di 11’ê Mijdarê de ji bo mîtînga ‘Wê Azadî Bi Ser Bikeve’ divê beşdariyeke xurt were kirin.”