Greva birçîbûnê ya bi pêşengtiya Meclîsa Xweser a Demokratîk ya Şengalê (MXŞD), Tevgera Azadiya Jinên Êzidî (TAJÊ), Yekîtiya Ciwaên Êzidî (YCÊ) û Yekîtiya Jinên Ciwan ên Êzidî (YJCÊ) a li dijî tecrîdkirina Rêberê Gelê Kurd Abdullah Ocalan dest pê kiribû, di roja 2'an de bi serdanên piştgiriyê didome.

Greva birçîbûnê li Xanesorê ji aliyê ciwanan ve didome. Gelek nûnerên saziyan û gel serdana çalakgerên greva birçîbûnê dikin.

Koordînasyona Civaka Êzidî, Rêveberiya Xweser a Demokratîk a Şengalê, xwendekarên Dibistana Şehîd Şêx Xêrî, mamoste û gelek welatiyan serdana çalakiyê kirin û piştgirî dan ciwanan.

Ji çalakgerên greva birçîbûnê Ferhat Koçer di serdana gel de axivî û got; "Ji bo em Rêber Apo ji girtîgehê derxînin tişta pêwîst çi be em ê bikin."