Serdozgeriya Komarê ya Amedê der barê Komeleya Jina ya Rosayê de lêpirsîn dabû destpêkirin û di çarçoveya lêpirsînê de 18 kes hatibûn destgîrkirin.

Dozgeriyê aktivîsta TJA'yê Zelal Bîlgîn, Endama Avakar a Komeleya Jina ya Rosayê Ayla Akat Ata, Endama Meclîsa Şaredariya Yenîşehîrê Nevriye Çûr û Nazîre Tûrsûn bi şertê kontrolkirina edlî hatin berdan û 14 kesên din jî bi daxwaza girtinê sewqî dadgehê hatin kirin.

Dadgeha Cezayê Sulhê endamê Meclîsa Şaredariya Baglarê Huseyîn Harman bi şertê kontrola edlî serbest berda û endamê Meclîsa Şaredariya Rezanê Veysî Kûzû jî girt.

Kesên niha li dadgehê ne ev in: “Seroka Komeleya Jina ya Rosayê Adalet Kaya, endama avakar Narîn Gezgor û rêvebira komeleyê Fatma Gultekîn, aktivîstên TJA'yê Gulcîhan Şîmşek, Hevserokê Giştî yê DBP'ê yê berê Mehmet Arslan, Endama Desteya Rêvebir a HDP'ê Ozlem Gunduz, Hevseroka HDP'a Yenîşehîrê Remziye Sizici, Endama Meclîsa Şaredariya Rezanê Gonul Aslan, Endama Meclîsa Şaredariya Bajarê Mezin a Amedê Sevîm Coşkûn, Endamê HDP'ê Mehmet Alî Altinkaynak, siyasetmedarê kurd Celal Yoldaş, Endama Meclîsa Dayikên Aştiyê ya Amedê Havva Kiran."