Gerîlayên Azadiyê yên Kurdistanê li Qada Berxwedanê ya Çiyareş a Zapê li hemberî artêşa Tirk a dagirker a li çeperên şer ên Girê Cehennemê di 24'ê Gulanê de Operasyoneke Tolhildanê ya Şoreşgerî lidar xistibûn.

Di Operasyona Tolhildanê ya Şoreşgerî de ku 12 deqeyan dewam kir, herî kêm 18 dagirker hatin cezakirin ku 2 jê payebilind bûn. Li gorî daxuyaniya HPG'ê der barê çalakiyê ev agahî hatibûn dayin:

"Artêşa Tirk a dagirker windahiyên xwe timî vedişêre. Weke delîlê windahiyên artêşa dagirker, hêzên me çûn ser cenazeyên 12 dagirkeran, gulîska dibistana leşkerî ya dagirkerekî payebilind, 2 çekên M-16 ên portatîf, 180 fîşekên M-16, 2 çekên bombeavêj, çekeke MPT, debanceyek, telefoneke destan, êlekeke êrîşê, êlekeke ji pola, kêreke leşkerî û çavkaniyeke enerjiyê desteser kirin. 4 konên leşkerî û 4 çeperên ku dagirker tê de bûn bi temamî hatin îmhakirin."