Tora Mafên Mirovan ya Kurdistanê diyar kir ku ji 58’an zêdetirî kolber hatine kuştin û 148 kolber jî hatine birîndarkirin. Her wiha bi giştî hemû jî rasterast bi guleyên rejîma Îranê hatine kuştin.

Li gorî wê navendê hejmara kuştî û birîndaran zêdetir e lê ji ber gefên rejîmê yên li ser malbatên kolberan hejmara wan, navê wan, kuştî û birîndar bi temamî nehatine zanîn.

Her wiha qala vê jî hatiye kirin ku hêzên rejîma Îranê gef li malbatan kiriye û belge bi wan dane îmzekirin, li gel ti dezgayên ragihandinê qala hejmara şehîd û birîndaran nekin ku xwe bêdeng bikin.

Li gorî bîlançoya Tora Mafên Mirov ya Kurdistanê 12 kolberên din jî ji ber karesatên xwezayî, li sinorên destçêkirî jiyana xwe ji dest dane û 6 kolber jî birîndar bûne.

Bîlançoya şehîd û birîndaran yên ku ji ber guleyên Rejîma Îranê û bi karasatên xwezayî jiyana xwe ji dest dane li eyalet wiha ye:

“Kirmaşan: 10 kolber mirine û 29 kolber jî birîndar bûne.

Sine: 10 kolber mirine û 17 kolber jî birîndar bûne.

Ûrmiye: 54 kolber mirine û 96 kolber jî birîndar bûne.

Her wiha li eyaleta Xozistanê jî 2 kolber ji ber guleyên rasterast yên hêzên Îranê jiyana xwe ji dest dane.

Ev jî hatiye gotin ku ji sedê 67’ê kolberan xwedî mal in û zewicî ne, ji sedê 10’ê kolberan nezewicîne û ji sedê 23’yê kolberan jî rewşa wan nayê zanîn.”