Serdanên şandeya KNK’ê ya ji bo aliyên siyasî yên Başûrê Kurdistanê, berdewam in. Di vê çarçoveyê de piştî serdana li Yekgirtûya Îslamî û Komeleya Dadgeriyê, şandeyê, serdan li Nûnertiya HDP’ê ya li Hewlêrê kir.

Şandeya KNK’ê, ji aliyê hevserok û endamên nûnertiya HDP’ê ve hat pêşwazîkirin.

Piştî civîna bi nûnertiya HDP’ê re, Hevserokê KNK’ê Ehmed Qeremûs bi çapemeniyê re axivî û got: “Em, ji bo pêşwazîkirinê, spasiya nûnertiya HDP’ê dikîn. Wek tê zanîn konferansa sedsaliya Peymana Lozanê heye û KNK, dixwaze bi hizireke neteweyî helwesta hemû aliyên Kurd li dijî peymanê nîşan bide.“