Bi sedan şêniyên bajarê Qamişlo cenazeyê şervanê YPG'ê  Eymen Xidir (Egîd Hilko) ku di Pêngava Xezeba Firatê de jiyana xwe ji dest dabû, ji Saziya Malbatên Şehîdan a li taxa Enteriyê wergirtin û ber bi goristana Şehîd Delîl Sarûxan ve ketin rê.

Li goristanê deqeyek rêz ji bo cangoriyên azadiyê hat girtin û şervanên YPG/YPJ'ê merasîmek leşkerî lidarxistin. Piştre Hevserokê Desteya Parastinê ya Kantona Cizîrê Rêzan Gulo axivî û sersaxî ji malbata şehîd re xwest û wiha got; "Bi yekîtî û hevgirtina hemû pêkhateyên herêmê, wê Bakurê Sûriyeyê azad bibe."

Piştre nasnameya şervanê YPG'ê hat xwendin û radestî malbata wî hat kirin.

Cenazeyê şervanê YPG'ê Eymen Xidir (Egîd Hilko) bi tilîyên dayikan û dirûşmeyên 'Şehîd Namirin' li Goristana Şehîd Delîl Sarûxan hate veşartin.