Li bejahiya Dêra Hênê ya Çewlîgê di êrîşa hewayî ya 25’ê Hezîrana 2017’an de gerîlaya HPG’ê Mahbûbe Gîzlenmîş şehîd bû. Cenazeyê Gîzlenmîş piştî testa DNA ya 8 mehan ji aliyê malbatê ve ji Saziya Tipa Edlî ya Meletiyê hate girtin.

Darbesta Gîzlenmîş ji aliyê jinan ve li ser milan hate kirin û bi dirûşmeyên ‘Şehîd Namirin’ anîn Goristana Yenî Koy Asrî ya navçeya Rezan a Amedê. Piştî dirûşme û tilîlîyan polîsên li goristanê pêşiya gel birî û gotin ku cenaze li vir nayê veşartin.  Piştî demekê rê hate vekirin û darbestA Gîzlenmîş li goristanê hate veşartin.

Piştî veşartina cenaze polîsên li goristanê lêgerîna  GBT li kesên beşdarî merasîmê bûyîn kir. Di dema lêgerîna GBT’yê de di navbera rêveberên HDP-DBP û polîsan de nîqaş derket.