Li herêma Bestayê ya Şirnexê di 22'ê Çileyê de, di navbera gerîlayên YJA Star'ê û leşkerên Tirk ên dagirker de şer qewimîbû. Di şer de 6 gerîlayên YJA-Star’ê şehîd bûn û cenazeyên wan rakiribûn morga Nexweşxaneya Dewletê ya Şirnexê. Duh 3 cenaze radestî malbatan hatibûn kirin.

Ji 3’ê cenazeyên ku li nexweşxaneyê yek jê yê Raîf Kûtlak bû. Îro malbatê cenazeyê Kûtlakê teşhîs kir û ber bi Wanê ve rê ket.

CENAZEYÊ EVÎN ENCU NEHAT DAYÎN

Her wiha ji van cenazeyên ku li benda teşhîskirinê ne, yê gerîlaya YJA-Star’ê Evîn Encuyê jî hat teşhîskirin. Lê belê hat gotin ku ji malbatê re hatiye gotin ku heya şîna cerdevan Nîmet Encu yê di heman şerî de miribû û apê Evîn Encuyê ye, neqede wê cenazeyê Evîn Ecnuyê nedin.

Ji xeynî cenazeyê Encuyê, cenazeyekî din jî li benda teşhîskirinê ye.