Bi sedan welatiyên Kantona Kobanê cenazeyê şervanê YPG'ê Welîd Çalmîş (Qendîl Koban)ê ku di Pêngava Xezeba Firatê de jiyana xwe ji dest dabû, bi tilîlî û dirûşmeyan li Goristana Şehîd Dîcle veşartin.

Serokê Desteya Parastinê Îsmet Şêx Hesen, Endamê Rêveberiya Saziya Malbatên Şehîdan Silêman Silêman, Hevserokên TEV-DEM′ê Eyşe Efedî û Ehmed Şêxo, tevlî merasîmê bûn.

Li goristanê deqeyek rêz ji bo cangoriyên azadiyê hat girtin û şervanên YPG/YPJ'ê merasîmek leşkerî lidar xistin. Piştre Serokê Desteya Parastinê Îsmet Şêx Hesen û Endamê Rêveberiya Saziya Malbatên Şehîdan Silêman Silêman axivîn û sersaxî ji malbata têkoşer re xwestin û soza tolhildana rêya cangoriyên azadiyê dan.

Piştre nasnameya Şervanê YPG'ê (Qendîl Kobanê) hat xwendin û radestî malbata wî hat kirin.

Cenazeyê şervanê YPG'ê li goristanê bi tilîlî û dirûşmeyan ve hat veşartin.