Botan ê HDP’yî 'ji ber ku axivî' 18 sal ceza xwar
18 sal cezayê girtîgehê dane Parlamenterê Wanê yê HDP’ê Lezgîn Botan.
18 sal cezayê girtîgehê dane Parlamenterê Wanê yê HDP’ê Lezgîn Botan.
Doza ku li ser parlamenterên HDP’ê Lezgin Botan û Adem Geveri vekirin li Dadgeha Cezayê Giran a 2. Hate dîtin. Beriya niha dadgehê biryar dabû ku Botan û Geveri ‘bi darê zorê’ bînin dadgehê, Botan û Geveri li dadgehê ne hazir bûn, li şûn wan parêzerên wan hazir bûn.
Piştî parastina parêzeran şandeya dadgehê biryar da û ji ber axaftinên wî, bi hinceta ku ‘yekîtiya dewlet û welêt xira kiriye’ ‘propagandaya rêxistinê’ kiriye, ‘endamê rêxistinê ye’ û ‘sûc teşwîq kiriye’ 18 sal cezayê girtîgehê lê hate birin.
Dadgehê li ser Botan ‘şertê kontrola edlî’ da, Adem Geveri yê ku bi heman îdîayan bû ji dozê bereat bû.