Amedspor dawiya hefteyê çû deplasmana Bûrsasporê, lê belê êrîşên nijadperestî lê hatibû kirin.

Tîma Amedsporê li Amedê vegeriya û li balafirgehê ji ailyê bi hezaran kesî ve hate pêşwazîkirin.

Hevserokê Partiya Herêmên Demokratîk (DBP) yê Amedê Hayrettîn Altûn, Hevserokên Partiya Demokratîk a Gelan (HDP) ên Amedê Zeyyat Ceylan û Gulistan Atasoy, parlamenterên HDP’ê ya Amedê Remziye Tosûn, Dersim Dag û nûnerên rêxistinên civakî yên sivîl jî tevlî pêşwaziyê bûn.

Girseya gel li ber zirnê govend gerand û tîma xwe bi coş pêşwazî kir. Strana “Dîren ha Diyarbekir” hat gotin û dirûşmeya “Amed bi we serbilind e” hate berzkirin.

Di vê navberê de Komeleya Alîgirên Amedsporê daxuyaniyek weşand û destnîşan kir ku wê ti carî tawîzê nedin.