Şêwra Yekîtiya Neteweyî ya Kurdistanê, ku ji aliyê Kongreya Neteweyî ya Kurdistanê (KNK) ve tê lidarxistin û nûnerên partiyên siyasî, rêxistinên civakî yên sivîl, rewşenbîr, nivîskar, akademîsyen û rûspiyên ji çar parçeyên Kurdistanê pêk tê, di roja duyemîn de ye.

Di şêwrê de, ku 350 delege lê amade ne, nûnerên partiyên siyasî û beşdarên din li ser mijara yekîtiya neteweyî pêşniyar, nêrîn û projeyên xwe pêşkêş dikin.

Tê payin, piştî ku pêşkêşkirina pêşniyar û projeyan qediya, encamnameya şêwrê bê eşkerekirin.