Li herêma Omeryan a Nisêbînê bi tevlêbûna gelek leşker û cerdevanan operasyonek hate lidarxistin. Li bejahiya gundê Çalê agir bi qadê ket. Ji ber zêdebûna şewatê bi sedan dar bûn xwelî. Li hin cihan gundiyan bi derfetên xwe xwestin agir bitefînin û hate hînbûn ku agir nêzî mezra Serêkaniyê bûye.

Ji bo gundiyan ev şewat gelekî bi xetere ye û heta niha tu mudaxele nehatiye kirin.

Kesên li herêmê ragihandin ku vê sibehê bi hinceta ‘ew ê operasyon were lidarxistin’ li gundên Yavrûkoy û Îlkadimê qedexeya ‘derketina derve’ hatiye ragihandin û piştre agir bi bejahiya van gundan ketiye.