Şehîdên Helebçeyê bi merasîman hatin bîranîn
Li seranserê Başûrê Kurdistanê qûrbaniyên Komkujiya Helebçeyê bi çalakiyên cihêreng hatin bîranîn.
Li seranserê Başûrê Kurdistanê qûrbaniyên Komkujiya Helebçeyê bi çalakiyên cihêreng hatin bîranîn.
Di salvegera 34’an a Komkujiya Helebçeyê de li seranserê Başûrê Kurdistanê bi çalakiyên cihêreng qûrbaniyê Helebçe hatin bibîranîn.
Rejîma Baasê di 16’ê Adara 1988’an saet 11:05’an de Helebçeyê kîmyabaran kir. Li Başûrê Kurdistan û gelek herêmên din, qubaniyên Helebçeyê têne bibîranîn.
HELEBÇE
Komeleya Qurbaniyên Helebçe li ber avahiya xwe di salvegera 34’an de qûrbaniyên Komkujiya Helebçe û Wezarareta Şehîdan a Herêma Kurdistanê jî li Goristanan Şehîdên Kîmyabarana bibîr anîn.
Serokê Komeleya Qurbaniyên Helebçe Luqman Ebdulqadir di merasîma li ber avahiya Komeleya Qurbaniyên Helebçe de axivî û got: “Ev 34 sal in soz dane me û em li benda pêkanîna wê ne. Lê bila îsal guh bidin qurbaniyên kîmyabarana Helebçe. Îsal me xwest qurbanî biaxivin. Hêvîdarim ku barpirs guh bidin wan û xwe li ber çavan re derbas bikin. Tişta ku hatiye kirin, ji aliyê qurbaniyên kîmyabarana Helebçe nayê qebul kirin. Ji ber ku li Helebçe xizmetguzarî sifire û şêniyên wê dubare dibin qurbanî.”
SILÊMANÎ
Li ber Saraya Silêmaniyê îro bi boneya 34’emîn salvegera kîmyabarana Helebçe hunermendên Silêmaniyê li hev kom bûn û şehîdên kîmyabarana Helebçe bibîranîn.
Çalakiyê bi deqeyek rêzgirtinê destpê kir û bi gotina stranên nîştimanî û mûzîkê şehîdên Helebçe bibîr anîn. Piştî stranên nîştimanî sirûda neteweyî Ey Reqîb xwendin.
Heman demê li ber derê peymangeha Teknîkî ya Çemçemal a ser bi Silêmaniyê, Rêxistina Ayînde ya ji bo parastina jînge û Şaredariya Çemçemalê, ji bo bîranîna şehîdên Helebçe şitlên daran hatin çandin.
HEWLÊR
Li bajarê Hewlêrê li pêş kelha Hewlêr şanoyekê qûrbaniyên Helebçe hatin bibîranîn. Mijara şanoyê rexnekirina hizb û aliyên siyasî ya ji ber ne xizmetkirina ji bo Helebçeyê bû.
Li Dibistana Amadeyî ya Kurdistan a Hewlêrê pêşangehek wêneyan hate vekirin. Di pêşangehê de wêneyên karesatên di salên borî de li ser gelê Kurd hatine kirin, hatin nîşandan.
MEXMÛR
Li Wargeha Penaberan a Şehîd Rûstem Cûdî (Mexmûr) jî bi merasîmek ya li navenda Saziya Malbatên Şehîdan şehîdên Komkujiya Helece hatin bibîranîn.
Di merasîmê de Hevşaredara Mexmûrê Fatma Bîlen axivî û diyar kir ku 34 sal li ser Komkujiya Helebçe borî hê jî Kurd tên qirkirin û komkujî dewam in. Bîlen diyar kir ku îro jî li çiyayên Kurdistanê li ser zarok gerîlayan çekên kîmyewî tên bikaranîn. Bîlen herî dawî banga tevlîbûna Newrozê kir û got : “Newroz îsal divê bikin Newroza azadiya Rêbertî û Kurdistanê.”
LI GELEK NAVENDAN DEQEYEK JIYAN SEKINÎ
Di serî de li Koye, Kerkûk, Kelar, Hewlêr, Parlamentoya Iraq, Raperîn, Soran û bajar û navçeyên Başûrê Kurdistanê welatî di nav bazar û kolanan de saet 11:05’an deqeyek ji bo bîranîna şehîdên Helebçeyê rawestiyan.