Festîval ji aliyê Şaredariya Binêrê Qendîl ve hatiye rêxistin kirin. Diruşmeya festîvalê “Şehîd duh, îro pêşeroja me ne.” Armanca festîvalê bibîr anîna Şehîdên Zergelê û tevahî şehîdên Qendilê ye. Posterên Rêberê Gelê Kurd Abdulah Ocalan, şehîdên Zergelê, wêneyê şehîd Viyan Soran, Şehîd Sîmko Serhildan, şehîd Destîna Qendîl, Şehîd Botan Germiyan û Şehîd Aram Xalebaziya hatin daleqandin.

Endamê komiteya amadekar ya festivalê Îbrahîm diyar kir ku ev festival dibin navê Şehîdê Zergelê li Binarê Qendîlê têdarxistin û wiha got: “Armanca festîvala me bîranîna ŞehîdênZergelê û tevahî şehîdên Qendilê ye. Wê ev festivala me heta 1 Tebaxê bi dayîn axelat û şahiyekê ve bi dawî bibe.”

Îbrahîm destnîşan kir ku di festivalê de gelek cûrên  sporê hene û wiha rêz kir: “Fotbool, voleyvol, rim, meretona 100 metre, meretona dirêj û gule avêtin. Her wiha 38 tîmên footbol, 12 tîmên voleyvolê wê di festivale de bilîzin. Her roj wê 2 tîm bilîzin. Di dawiya festîvalê de tîmên ku bi serketine  wê werin xelat kirin.”

Îro tîmên bi navê Sernews û Zeng lîstin. Tîma Zeng 4 be 2 got ji Tîma Sernewsê bir, bi vî rengî Tîma Zeng bi 4 golan bi ser ket. Wê sibehê jî 4 tîm bilîzin.

Wê ev festival heta 1’ê Tebaxê bidome. Di 1’ê Tebaxê de wê şahiyek were lidar xistin, axaftin were kirin û tîmên ku di festîvalê de bi ser ketine jî werin xelatkirin.

Hêjayê gotinê ye 8 welatiyên Binarê Qendil 1’ê Tebaxa 2015’an di encama bombebarana balefirên şer ên dewleta dagirker a Tirk de hatibûn qetilkirin.