Di daxuyaniyê de hat ragihandin ku bi çalakiya Sema Yuce re, xwedî li Îdeolojiya Azadiya Jinê ya ku ji aliyê Rêberê Gelê Kurd Abdullah Ocalan ve hatiye îlankirin, hatiye derketin.

Di daxuyaniyê de ev tişt hate gotin “Hevrêya me Sema Yuce di nava rastiyeke civakî ya ku xweseriya Kurdan a di sedsala 19’an de hatiye jiyîn, di nava malbateke mezin de ji dayik bûye û mezin bûye. Her çiqas ev rastî di asteke kêm bû jî, vî tiştî têr kiriye ku hevrê Sema bi ruhê serhildanê yê Araratê bibe yek. Hevrêya me Sema Yuce ku taybetmendiyên jina Kurd a serbilind, serhildêrî, bi rûmet di hembêza xwe de mezin kir, bi fedekariya ku di sala 1998’an de kir veguherî pênaseyeke nû ya xeta azadiya jinê. Hevrêya me Sema Yuce ya ku Îdeolojiya Azadiya Jinê ya ku Rêbertiyê di 8'ê Adarê de îlan kiribû, ji 8'ê Adarê heta 21'ê Adarê bû pireke agir. Hevrêya me Sema Yuce bû kesa yekemîn a projeya azadiya jinê ya ku Rêber Apo daye pêş, di heman demê de bi çalakiya xwe xetên sereke yên xeta azadiya jinê zelal kir. Sema Yuce ya ku bi bawerî û ramaneke mezin tevlî îdeolojiya azadiya jinê bû, bûye meşaleya kesên li ser vê rêyê dimeşin. Sema Yuce îspata wê yekê ye ku ger wê xwedî li îdeolojiya azadiya jinê ya di xeta Rêbertiyê de were derketin, ev tişt encax bi Zîlanbûnê pêkan e.

Di sala 1998’an de ku hevrêya me Sema çalakiya xwe li dar xist, bû serdemeke ku hêzên komploger planên xwe yên tasfiyeyê bi gelek awayan xistine meriyetê. Faşîzma Tirk a bi piştgiriya hêzên paşverû yên herêmê û navendên neteweperest ên paşverû, ji aliyekî ve hewl dida tevgera me biçûk bixe, ji aliyê din ve jî dixwest li girtîgehan rêberên sixte ava bike û derbarê kadroyan polîtîkayên rehabîlîtasyonê çêbike, xwest tevgera me tasfiye bike. Li hemberî hewldanên pûçkirina tevgera me ya ji hundir ve, hevrêya me Sema Yuce xwe veguherand gulokeke ji agir. Ji faşîzma mêtinger re got ‘Çawa ku li asîmanan du roj tune û wê tunebe, ji bo mirovan jî, ji bo jinên dixwazin azad bibin jî, wê du tercîhên jiyanê û du navendên moralê tunebe’ û diyar kir ku wê dilê jinên Kurd her dem bi Rêbertî re be. Di vê çarçoveyê de hevrêya me Sema Yuce bûye pûsûlaya jiyana bi Rêbertî re. Hevrêya me Sema Yuce meşaleya geş a rêya ber bi Rêbertiyê ye. Hevrêya me Sema li hemberî rehabîlîtasyon, marjînalkirin û rêberên sixte bûye guloka agir a jiyana bi Rêbertî re. Sema Yuce got “Di şer de serfirazî lê bi Rêbertî re, di jiyanê de azadî lê bi Rêbertî re’ û bû qîrîn.

Hevrêya me Sema Yûce ya ku got ‘Ji bo ez bibim şagirdeke baş a Kawayê hemdem Mazlûm Dogan û hemû şehîdên me yên din, ez dixwazim weke Zekiye bişewitim û bibim Newrozeke weke Rahşan’ û wê şertên rizîner ên zindanan di bedena xwe de kir agir û bû xwedawenda jiyana nû ji nû ve.  Di vî warî de hevrêya Sema Yuce nûnera jina Kurd e ku xwe ji xweliya xwe afirandiye. Hevrêya me Sema ya ku zindan veguherandiye qada şer bûye fermandareke jin ku tola hezaran salan ji dijminê xwe distîne.

 Hêza ku hesab ji sîstema dijminê nasnameya jinê xwest û car din wate bi nasnameya jinê dayî qezenckirin e. Di vê wateyê de hevrê Fikrî Baygeldî weke leşkerekî sade yê Semayê ket rê û ev yek efsanewî ye. Hevrê Fikrî Baygeldî bi çalakiya xwe nîşan da ku dilsoziya herî rast pêkanîn e û weke şopdarê Sema û Zîlanan bû îfadeya herî bi cewher a kesayeta mêrê sade. Sema Yuce felsefeya Rêbertî esas girtiye û bûye hêzek a azadiyê. Hevrê Fikrî Baygeldî îspata vê yekê ye. Îro bi hezaran mîlîtanên azadiyê yên fedayî weke Zîlan, Sema û Fikriyan di nava refên berxwedanê de ne.

Ji helwesta Rêbertiya me û vir ve komployên li dijî wî bênavber hatine domandin. Fêrkirina jiyana azadkirinê ya Rêbertiya me, her tim weke xeterî hatiye dîtin û hêzên kolekirinê ji bo şikandina bandora Rêbertiya me her rê ceribandine. Dema hat dîtin ku bandora Rêbertiya me nayê şikandin, ev car hêzên komploya navneteweyî li hemberî Rêbertiya me Sîstema Şerê Taybet a Îmraliyê xistin dewrê. Îro em agahî ji Rêbertiya xwe nagirin. Hemû saziyên îdîa dikin ku mafê mirovan diparêzin, li hemberî vê rewşê bêdeng in. Ev bêdengiya li hemberî gelê Kurd sed sal in dewam dike. Yên li hemberî Şêx Seîd, Agiriyê, Zîlanê û Dêrsimê bêdeng bûn, îro jî bêdeng bûn. Rêbertiya me bi tecrîdek xeter re rû bi rû ye. Hêzên hegemonîk her çendî ku bi sîstema xwe ya şerê taybet êrîşî gelê Kurd û Rêbertî bike, her tim wê Mazlûm, Kemal, Hayrî, Zekiye, Rahşan, Zîlan û Semayan hebin. Em weke hêza fedayî ya Rêber Apo, wê ti carî jiyana bêyî Rêbertî qebûl nekin. Em ê bibin Doga, Zinar, Sara û Rûkenan û derbeyên herî giran li hêzên komploger bidin. Di vê wateyê de Sema Yuceyan pêşengên me yên rêya azadiyê ne. Çawa ku wan jiyana bêyî Rêbertî red kirin, em jî red dikin. Çawa ku wan ji bo Rêber Apo bedena xwe dan ber agir, kirin bombe û teqandin, em jî wê xwe bikin bombeya azadiyê û can û malê komplogeran bişewitînin. Dema ku me kêm jî be ji bo hinekî êşa gelê xwe sivik bikin biryara ‘bêçalakîtiyê’ da, faşîzma mêtinger zêdeyî 30 hevrêyên me şehîd kir. Em ne vê tecrîda li hemberî Rêbertiya xwe, ne zarokên Kurd ên 5 salî ku dema li kolanan dilîzin tên qetilkirin, ne jî şehadeta hevrêyên xwe ji bîr dikin û em ê ji bîr nekin. Em hêza tolhildanê ya Rêber Apo û gelê Kurd in. Wezîfeya me ye ku destê li hemberî Rêber Apo û gelê Kurd tê dirêjkirin, parçe parçe bikin. Em ê ji bo ku mîna Sema, Sara û Rûkenan hesab bipirsin, wê teqez werin. Weke YJA Starê em hevrêya xwe Sema Yuce di vê salvegera şehadeta wê de bi bîr tînin. Weke şopdarên wê em soz didin ku em tarzê wan ên lêxistina dijmin, pêk bînin. Em hemû şehîdên xwe yên şoreşê di şexsê hevrê Sema Yuce de bi rêzdarî û minetdarî bi bîr tînin.

Bijî Xeta Berxwedanê ya Israya Jiyana bi Rêbertî re!

Bijî Şehîdên Jiyana bi Wate û Azad!

Bimire Hêzên Komploger û Faşîzma Mêtinger!”