Ji Koordînasyona KJK'ê Zerrîn Rûken îdîayên ku Tevgera Azadiya Jinê ya Kurdistanê pêşengiyê ji têkoşîna azadiya jinê ya cîhanê re bike bi bî xist û li gel vê îdîayê li ser vê mijarê bendewariya jinan û berpirsyariya dîrokî destnîşan kir. Rûken got, ''Dixwazim diyar bikim hewldanên me hene ku em aliyê gerdûnî yên xebatên xwe yên li serjinan li ser berpirsyariya dîrokî û fersendan rêxistiniya wê bikin. Dema wê hatiye ku em jin bi rengekî xurt rêxistiniya dema xwe bikin. Em lê rawestiyane ku bi tevgerên jinan ên cîhanê re li ser perspektîfên bêhtir berbiçav zemînên têkoşîna hevpar ava bikin.''

Rûken 1'ê Îlonê, Roja Aştî ya Cîhanê bi bîr xist û got, ''Di serdemeke wiha de ku hêzên hegemonîk dixwazin siberoja me ya azad bi şer bifetisînin, dixwazim diyar bikim kubi hêvî û baweriya ku em ê 1'ê  Îlonê Roja Aştiya Cîhanê bi rojên aştî û azad pêşwazî bikin. Em şehîdên xwe yên ku ji bo aştî, demokrasî û azadiyê canê xwe de ne bi hurmet û minet bi bîr tînin.''

AKP BI ÊGIR DILÎZE

Rûken bi berdewamî bal kişande ser darbeya 19'ê Tebaxê ya li ser şaredariyên Kurdistanê yên Amed, Wan û Mêrdînê, got, ''Di vê demê de AKP bi êgir dilîze. Bi berê xwe dane bi taloke ya li ser Rêbertiya me û êrîşa li ser vîna gelê me yê li Bakurê Kurdistanê, tayinkirina waliyên mêtinger nayê qebûlkirin. AKP wê di bin vê pêvajoyê de bimîne. Êdî divêtiyeke ku gelê me û hemû derdorên alîgirên azadî û demokrasiyê li dijî van êrîşan têkoşîneke bêhtir radîkal bidin. Dixwazim diyar bikim ku azadiya Rêber Apo wê veguhere aştiya Tirkiyê û Rojhilata Navîn. Ez bang li jinan, gelê me û dostê me dikim ku li dora Rêber Apo kom bibin û li her deverê çalakiyên bênavber bikin.''

'ARINCÊN SERDEMEKE NÛ EM DIJÎN'

Rûken bal kişande ser karekterê sedsala 21'an, got ev sedsaleke wiha ye ku nakokiyên  ku rê li ber problema azadiyê, krîza modernîteyê û şer vedikin der dibin û dibe xwedî karekter. Rûken got tespîta ku ev sedsal wê bibe sedsala jinê xw li ser derbûna nakokiya cinsê û li ser avabûna derbarê çareseriyê û serkeftina vê ava dike û got, ''Ji ber vê bi nasnameya jina azad ku Rêber Apo ava kiriye em aliyê şer in. Têkoşîn wê bi nasnameya jinê ku xwe bi felsefeya  Rêbertî re xwe xurt kiriye, rêxistiniya xwe kiriye, bi nasnameya jinê ya çalakî û bi şoreşa jinê wê pêk were. Ev serdem, serdema zayina paradîgmaya jinê û pergalbûna wê ye. Di vê krîz û kaosê de ya ku em dijîn, şerê zayina serdemek nû, arinca wê, hilweşandinên wê û lehengiyên wê ne.''

Rûken bi berdewamî bal kişande berxwedana jinên Kurd û got, ''Jinên Kurd bi berwedana xwe bûne îlhameke mezin.  Em Tevgera Azadiya Jinan a Kurdistanê bi wê îdîayê ne ku bi asta gerdûnî pêşengiyê li têkoşîna azdiya cîhanê bikin. Li gel îdîayê, li ser vê mijarê hêvî û berpirsyaria dîrokî ya jinan heye. Dixwazim diyar bikim em hewl didin ku hêla gerdûnî ya xebatên me yên li ser jinê em li ser berpirsyariya dîrokî û fersendan dinirxînin û rêxistiniya wê dikin.''

'ÎDEOLOJIYA SEDSALA 21'Ê, ÎDEOLOJIYA RIZGARIYA JINÊ YE'

Rûken bi berdewamî got têkoşîna azadiya jiê ji her demê zêdetir rêxistiniyê, rêveberiya hevkarî û radîkal hewce dike, ji bo hişmendiya baviksalar, zayendîparêzî, milliyetgirî, dagirkerî û mêtingerî xwe bide domandin, medya xîtabê li hemû qadên jiyanê dike û weke çekê bi kar tîne. Rûken got, ''Li dijî vê em dibêjin, ''sedsala 21'ê wê bibe sedsale têkoşîn û azadiya jinê''. Nxwe îdeolojiya sedsala 21'ê, îdeolojiya rizgariya jinê ye.''

'EM TÊKOŞÎNÊ LI ÇAR PARÇEYÊN KURDISTANÊ DIDIN'

Endama Koordînasyona KJK'ê Zerrîn Rûken got êrîş û zextên cinsî yên ku zêde bûne, di serî de li Rojhilata Navîn li her deverê j ibo jinan zemîna hevkarbûnê ava dike û got, bi nêzîkatiyeke ku enidya jinê ya demokratîk ava dike û geş dike, hevkariye bi tevgerên jinan re ya ji xwecih heta bi asta gerdûnî, rêxistiniya platforman, insîyatîvan, yekîtiyan hewcehiyke lezgîn e. Rûken got, ''Têkoşîna me ji bo ku demokrasiya rasterast pêk were têkoşîneke mezin dide. Em têkoşîna aştî û demokrasiyê ya ku jin li gorî pergala xwe didin, li çar parçeyên Kurdistanê û li hemû cîhanê didin.''

'GEL DIVÊ HER ROJ ŞAREDARIYÊN XWE BIPARÊZE'

Rûken li ser darbeya qeyûm got, ''Darbeya li vîna gel, ji peywirê girtina wan û li şûna wan danîna waltiyên mêtinger hewldana wê ye ku desthilata xwe li ser piyan bihêlin. Kurd û hêzên demokrasiyê li hemû qadên jiyanê divê parastina xwe ava bikin. Gel her roj divê şaredariyên xwe biparêze. Bi hezaran kes divê bibêjin, ''ez ê bi çalakiya rûniştinê şaredariya xwe biparêzim''. Divê were rengînkirin û israr li ser were kirin. Rêya xilasiya ji qirkirinê berxwedana domdar e. Civaka ku xwe diparêze zemînê nade komkujiyan. Ji bo gelê Bakur ev pêvajo pêvajoya avakirina azadiya xwe ye. Em hemû pê dizanini ji bo ku em şaredariyan bistînin hewceyî bi berxwedanên mezin heye.''

'TECRÎD ŞER E'

Endama Koordînasyona KJK'ê Zerrîn Rûken herî dawî derbarê tecîda li ser Rêberê Gelê Kurd Abdullah Ocalan got, ''Tecrîd şer e. Tecrîd her ku giran dibe qirkirina jinan û Kurdan bêhtir tê kirin. Bendewariya Rêber Apo ji me ew e ku li hemû qadan hem hêza hişmendî, rêxistinî û çalakiyê çêbikin ku pêşî li vê qirkirinê bigirin. Tecrîd her ku giran dibe tundî, tacîz û tecawiza li ser jinê zêdetir dibe. Rêbertî di hevdîtinên dawî de got tecrîd li ser min jî, li ser civakê jî heye. Ji ber vê, tê xwestin ku civakê bi şer rê ve bibin. AKP bi şer xwe li ser piyan digire, rêbaza şerê taybet heye. Tecrîd û şer bi rengekî paralel weke rejîma şerê taybet sazkar dibe. Di şexsê Rêber Apo de êrîşê dibin ser nirxên azadî, demokratîk û mirovî. Di vê demê de ku faşîzm zêde bûye, êrîşên elşkerî, siyasî û îdeolojîk zêde bûne, mêtingeriya zêhnî û çandî hate berfirehkirin. Berxwedana li dijî faşîzmê niha jî rojeva sereke ya Kurdan û jinan e.

'FAŞÎZM BI RÊXISTINIYA JINAN WÊ WERE HILWEŞANDIN'

Rêber Apo di nota dawî ya hevdînê de got ew ji bo çareseriyê bi xwe bawer e, ya ku li ser çaresriyê ne jidil e rastiya faşîst a  AKP'ê ye. Li vir herî pir peywira dikeve ser milê me jinan. Divê em li ser siyaseta demokratîk rawestin. Divê em li qadên nerm ên civakê zêdetir rêxistiniyêbikin. Rêxistiniya konfederalîzma dmeokratîk, bi avakirina neteweya demokratîk pêkan e. Girêdayî vê mirov dikare ji bo aştiyê û çareseriya pirsgirêkan gavan bavêje, geşedanan bibin. Ev jî li ser xeta neteweya demokratîk,  bi avakirina xwerêveberiya demokratîk, geşkirina pergala rêveberiya demokratîk, avakirina rêxistiniya konfederalîzma demokratîk e. Faşîzm bi rêxistiniya jinan wê were hilweşandin.''