Piştevaniya Jinê ya Ewropayê (AKD) bi wesîleya salvegera Komkujiya Parîsê daxuyaniyek da.

Di destpêka daxuyaniyê de hate gotin, "Sakîne Cansiz, Fîdan Dogan û Leyla Şaylemez ji neferên bi biryar ên têkoşîna azadiyê ya Kurd bûn, ku di oxira doz û armancên xwe de berdêl dan û serî netewandin."

Di daxuyaniyê de her sê jinên şoreşger hatin bîranîn û ji bo meşa 9'ê Çileyê ya li Parîsê ev bang hate kirin:

"Em bang li we dikin ku 6'ê Çileyê roja Çarşemê saet di 11:00 de li ber Navenda Çanda Kurd a Ahmet Kaya li hev kom bibin û li ber buroya ku Sakîne, Fîdan û Leyla lê hatin qetilkirin tevlî kombûna bîranînê bibin. 9'ê Çileyê roja Şemiyê beşdarî meşa ji ber Gare du Nord heta qada Repûblîqûeyê bibin."