Parêzerên Ocalan ên Îtalyan hatin serdana Aydemîr

Çalakiya greva birçîbûnê ya Erol Aydemîr di roja 45’an de li Îtalyayê didome.

Ji bo rakirina tecrîda li ser Rêberê Gelê Kurd Abdullah Ocalan li Girava Serdenya ya Îtalyayê Erol Aydemîr dest bi çalakiya greva birçîbûnê kiribû. Aydemîr di roja 45’an de çalakiya xwe li Romayê didomîne.

Kurd û Îtalyan her roj tên serdana Aydemîr.

Parêzerên Rêberê Gelê Kurd Abdullah Ocalan ên li Îtalyayê Artûro Selernî û Marîo Antonîno Angellî hatin serdana çalakger Aydemîr.

Du musteşarên berê, Serokê Yekîtiya Hiqûqnasên Demokrat jî di nav de gelek siyasetmedar û hiqûqnasan piştgirî dabûn banga teksta ji bo rakirina tecrîda li ser Rêberê Gelê Kurd Abdullah Ocalan. Derbarê vê deklarasyonê jî agahî hatin dayîn.