Li bajaroja Llanellîyê ya bajarê Swensea a Gallerê bibîranîn hate lidarxistin, nûnerên gelek sendîkayan û kedkaran tevlê bûn.

Komek Kurd jî tevlî bibîranînê bûn û li hemberî emperyalîzmê peyama têkoşînê hate dayîn. Di axaftinên bibîranînê de Hevseroka Meclîsa Gel a Kurd Nejla Arî jî axivî.

Arî bal kişand ser êş û têkoşîna hevpar a gelê Kurdistan û Galê û diyar kir ku Serokwezîrê wê demê yê Îngîlîz Wînston Chûrchîll fermana êrîşa li ser kedkaran daye û heman kesî fermana bikaranîna gaza kîmyewî ya li ser Kurdan jî daye. Arî diyar kir ku bi hevgirtina enternasyonel û têkoşîna hevpar wê têkoşîna li hemberî emperyalîzê bi ser bikeve.

Piştî axaftinan meşek hate lidarxistin. Di meşê de wêneyên Rêberê Gelê Kurd Abdullah Ocalan û alayên PKK’ê hatin hildan.

Di 18-19’ê Tebaxa 1911’an de bi sedan kesan piştgirî dabûn karkerên şiva hesinî û du rojan çalakiyên mezin hatibûn lidarxistin. Artêşa Îngîlîzê êrîşî çalakiyan kiribû. Di van êrîşan de 2 kes hatibûn qetilkirin û gelek kes jî birîndar bûbûn. Her sal bi tevlêbûna gelek sendîkayan meşa bibîranînê tê lidarxistin.