Li Enqereyê li dijî Wezareta Karên Hundir çalakiya bombeyî
Li nêzî herêma Kizilay a Enqereyê, li pêşiya Midûriyeta Giştî ya Emniyetê ya Wezareta Karên Hundir çalakiyeke bombeyî hate kirin.
Li nêzî Kizilay a Enqreyê dengê teqînê û çekan hate bihîstin.
Ambûlans û tîmên AFAD'ê ber bi herêmê ve hatin şandin. Bûlwara Ataturk jî li trafîkê hate girtin, ketin û derketina ji meclîsê hate qedexekirin.
Wezîrê Karên Hundir Alî Yerlîkaya li ser hesabê medya dîjîtal ragihand ku du kesan li deriyê pêşiyê yê Midûriyeta Giştî ya Emniyetê ya Wezareta Karên Hundir çalakiya bombeyî kirine. Yerlîkaya diyar kir ku du polîs birîndar bûne.
Li gorî daxuyaniya wezîr, yek ji çalakgeran bombeya li ser xwe teqand, li yê din jî hate xistin.
Li ser çalakiyê agahiyên berfireh bi dest neketin.
