Li gelek navendên Ewropa di pêşengtiya Tevgera Ciwanên Şoreşger (TCŞ), Jinên Xwendekarên Kurdistan (JXK) û Ciwanên Enternasyonalîst ve ji bo PKK ji ‘lîsteya terorê’ were derxistin, stanta îmzeyan hate danîn. Di standê de der barê naveroka kampanyayê agahî tên dayîn û îmze tên komkirin.

KOLN

Li bajarê Koln yê Elmanyayê di çarçoveya pêngava “Werin Cenga Azadiyê“ li dijî qedexeya li ser PKK’ê stand hate danîn û îmze hatin komkirin.

Standa îmzeyan li qada Chlodwîgplatzê di saet 12.00’an de hate danîn û heta saet 17.00’an de berdewam kir.

Di standê de pirtûkên Rêberê Gelê Kurd Abdullah Ocalan hatin danîn û kesên hatin standê ji hatin agahdarkirin.

MARSÎLYA

Li bajarê Marsîlya yê Fransayê kampanya îmzeyan berdewam dike.

Di çalakiya îro de di pêşengtiya TCŞ, TekoJIN û Ciwanên Enternasyonalîst ve li qada Plaîne standa îmzeyan hate danîn. Di çarçoveya çalakiyê de ciwanan civaka Fransa agadar kir.

ST GALLEN

Di pêşengtiya TCŞ û Komsiyona Çandê de li bajarê St. Gallen yê Siwîsrê stand danî.

Standa li Mûltergasseyê hate danîn û rastî provokasyona nîjadperestên Tirk hat. Piştî polîs hatin cihê standê nîjadperestên Tirk her yek bi aliyekê ve reviyan.