Li bajarê Cenevreyê yê Swîsreyê aktîvîstên TCŞ û TÊKO-JIN bi çalakiyekê êrişên dagirkeriyê yên dewleta Tirk şermezar kirin û berxwedana gerîla silav kirin.

Kurdistanî li qada Bel-Airê li hev civiyan û posterên Rêberê Gelê Kurd Abdullah Ocalan û alên PKK'ê hildan.

Di çalakiyê de bi qîrîna dirûşman xwedî li pêngava bi dirûşma "Li dijî dagirkerî û qirkirinê her der Avaşîn, Zap û Metîna ye. Dem dema azadiyê ye" hate derketin. Çalakger bi vê armancê heta navenda bajêr meşiyan.

Li ber pira Gare de Cornavinê daxuyaniyek dan û gotin, "Her cihê ku em lê ne ji bo me çepera berxwedanê ye. Em ê her tim li qadan bin û têkoşînê bi ser bixînin." Çalakî piştî daxuyaniyê bi dawî bû.