Hevserokê Giştî yê HDP'ê Mîthat Sacar, Hevberdevkên Komîsyona Têkiliyên Derve Feleknas Ûca û Hişyar Ozsoy û Nûnerê HDP'ê yê li Ewropayê Devrîş Çîmen li Brukselê li Parlamenta Ewropayê hevdîtinên xwe yên du rojan temam kirin.

Heyeta HDP'ê li ser rewşa siyasî ya li welêt, hilbijartinên ku demeke kurt jê re maye, senaryoyên hilbijartinê, dozên girtinê û Kobanê, êrişên li ser HDP'ê û konreya HDP'ê ya ku wê meha Tîrmehê bê lidarxistin, di hevdîtinan de nirxand. Her wiha têkiliyên navbera Tirkiye û Yekîtiya Ewropayê, rapora pêşketinê ya ku demeke nêz wê pêşkêşî dengdanê bê kirin, şerê li Ûkraynayê, nîqaşên lis er berfirehbûna NATO'yê, helwesta dewleta Tirk, êrişên dagirkeriyê yên nû, planên êriş û dagirkeriyê yên li ser Rojava, bi rayedarên Parlamenta Ewropayê re hatin nîqaşkirin.

HEVDÎTIN BI GELEK KESAN RE HATE KIRIN

Heyeta HDP'ê roja destpêkê bi van kesayetan re hevdîtin kir:

"Serokê PASOK/KINAL û ji Koma Sosyalîst & Demokratan a parlamenterê Ewropayê Nikos Androulakis û Serokê Delegasyona Partiya Demokratîk a Îtalyayê Brando Benifei, Serokê Koma Çep a Parlamenta Ewropayê (GUE/NGL) Martin Schirdewan, Alîkarê Serokê Parlementa Ewropayê û Serokê Delegasyona Syrîza ya Koma GUE/NGL Dimitrios Papadimoulis, Hevseroka Koma Kesk/EFA Ska Keller û Hevserokê Delegasyona Têkel a Yekîtiya Ewropa/Tirkiyeyê û parlamentê Ewropayê yê ji Koma Keskan Sergey Lagodinsky."

Heyetê di roja duyemîn de jî ji Parlamenta Ewropayê bi Raportê Timî yê Tirkiyeyê Nacho Sánchez Amor, Berdevkê Têkiliyên Derve ya Koma Partiay Gel a Ewropayê ya Parlamenta Ewropayê (EPP) Michael Gahler, Seroka Koma Sosyalîst & Demokratan a Parlamenta Ewropayê Iratxe García Pérez û Seroka KOmîteya Jêrîn a Parastin û Ewlekariyê ya Parlamenta Ewropayê û endama Koma Lîberal (Renew) Nathalie Loiseau re hevdîtin kir.

Tevî van heyeta HDP'ê bi endamên Koordînasyona Koma Dostaniya Kurd a Parlamenta Ewropayê Andreas Schieder, Fronçois Alfonsi û tîma kar û parlamenteran a koma dostaniyê re civîneke berfireh lidar xist û li ser karên dostaniyê axivîn.

Heyeta HDP'ê di roja duyemîn a hevdîtinan de serdana navenda Partiya Sosyalîst a Ewropayê ya li Brukselê (Party of the European Socialists - PES) kir û bi rayedarên PES yetkilileri Giacomo Filibeck û Yonnec Polet re hevdîtin kirin.