Çalakiyên bi çarçoweya kampanyaya Ji  Rêberê Gelê Kurd Abdullah Ocalan re azadî ku sendîkayên Brîtanî yên bi milyonan endamên wê hene, didomin.

Kampanya ya ku bi diyarîkirina Festîvala Madenvanên Durhamê ya ji bo Kampanyaya ji Ocalan re azadî ketî qonaxeke nû, îsal Tîrmehê bi desteka Festîvala Şehîdên Tolpuddleyê ya ku wê li Ingiltereya Başûr çêbibe, derbasî qonaxeke dî dibe.

JI BO AZADIYA OCALAN WÊ PEYAM WERIN DAYIN

Festîvala Şehîdên Tolpuddleyê ku her sal bi deh hezaran aktivîstên siyasî, endamên sendîkayê û endamên Partiya Karker lê hazir dibin, di navbeyna 19-21'ê Tîrmehê de li bajarokê Tolpuddleyê ya herêma Dorsetê çêdibe.

Tê payin ku bi sedan Kurdistanî jî li festîvalê hazir bin.

Di festîvalê de ku wê lîderê Partiya Karker Jeremy Corbyn û giregirên partiyê hazir bin, li ser kampanyaya ji Ocalan re azadî wê axaftin werin kirin û bername werin çêkirin.

'GIRÎNG E KU KAMPANYA MEZIN BIBE'

Hevserokên Meclîsa Gel a  Kurd a Brîtanyayê Ercan Akbal û Besîme Başar gotin, ''Di demeke wiha de ku gelê Kur di şexsê Leyla Guven de li her deverê çalakiyên greva birçîbûnê dikin û çalakiyên curbecur têne kirin, yên bi mebesta rabûna tecrîda li ser Rêberê Gelê Kurd Abdullah Ocalan, em girîng dibînin ku kampanyaya ji Ocalan re azadî ya sendîkayan bidome. Bi hevgirtina enternasyonalîst têkoşîna me li dijî faşîzmê em ê bi çalakî bidomînin.''

DOSKLEY: EM PÊ ŞANAZ IN

Sekreterê Kongrya Sendîkayan (TÛÇ) ya Herêma Rojayê Başûr Nîgel Doskley li ser navê Komîteya Tolpuddle axivî û got, ''Em pê şanaz in ku tevlî Kampanyaya ji Ocalan re azadî dibin.''