Ji bo azadiya şoreşgerê Tirkiyeyî Ecevît Pîroglû ku bi biryara radestkirina Tirkiyeyê li Sirbistanê di sala 2021'ê de hate girtin, pêkhateyên Yekîtiya Hêzê ya Demokratîk a Munchen û Nurnbergê li ber Konsolosxaneya Sirbistanê ya Munchenê daxuyaniyek dan çapemeniyê.

Di daxuyaniyê de bêhiqûqiya ku sê sal in li Ecevît Pîroglû tê kirin hate bibîrxistin û hate gotin, "Li hemberî vê yekê Ecevît Pîroglû 136 rojan kete greva birçîbûnê. Ecevît Pîroglû ku ji sala 1992'an û vir ve li Tirkiyeyê têkoşîna sosyalîzm û demokrasiyê dimeşîne şoreşgerekî enternasyonalîst ê Tirkiyeyî ye ku tevlî berxwedana Gezî û şoreşa Rojava bû."

Di çalakiyê de dosyayek têkildarî Pîroglû radestî konsolosxaneyê hate kirin. Di şexsê Ecevît Pîroglû de hate xwestin ku hemû girtiyên siyasî bêne berdan.