Greva birçîbûnê ya li Strasboûrgê ya li dijî tecrîda girankirî ya li ser Rêberê Gelê Kurd Abdullah Ocalan bi tevlêbûna 14 berxwedêran didome, ku di nav wan de Hevserokê KCDK-E'yê Yuksel Koç û parlamentera berê Dîlek Ocalan jî hene.

Heta niha gelek nûnerên saziyên Kurdistanî û Tirkiyeyî yên li Ewropayê serdana çalakgerên greva birçîbûnê kirin. Berxwedan her roj bi çalakiyên li Ewropayê berbelav dibe, îro jî gelek welatparêzên Kurd serdana çalakgeran kirin.

Îro komeke Kurdistaniyên li Swîsreyê, Meclîsa Gela Ludwîgsbûrg a Elmanya û Meclîsan Jinan serdana çalakgeran kirin.

Jinên ji Ludwîgsbûgê hatin gotin berxwedana li dijî tecrîda li ser Ocalan pir girîng e, Ocalan vîna gelê Kurd e û bang li jinan û Kurdistaniyan kirin ku derkevin qadan.

Di nav çalakgerên greva birçîbûnê de ev nav hene: Hevserokê KCDK-E'yê Yuksel Koç, Wekîla berê ya Rihayê ya HDP'ê Dîlek Ocalan, siyasetmedar Mustafa Sarikaya, nûçegihan Gulîstan Çiya Îke, Nurgul Başaran, Ramazan Îmîr, Mehmet Nîmet Sevîm, Mohamad Ghaderî, Denîz Surgut, Ayvaz Ece, Kardo Bokanî, Kerem Solhan, Agît Ural û Ekrem Yilmaz.