Li hemberî tecrîda li ser Rêberê Gelê Kurd Abdullah Ocalan gelê Kurd li pêşiya ofîsa Neteweyên Yekbûyî ya li bajarê Cenevreyê ya Swîsreyê çalakiya xwe ya rûniştandinê didomînin.

Ji 15’ê Çileyê û vir ve gelê Kurd her roja Çarşemê çalakiyê didomînin û li dora konê berxwedanê ya li pêşiya Neteweyên Yekbûyî kom dibin.

Di çalakiyê de Hevserokê CDK’ê Salîh Galam diyar kir ku ew ê ji bo azadiya Rêberê Gelê Kurd Abdullah Ocalan li qadan bin û got “Li hemberî tecrîda li ser Rêberê Gelê Kurd Abdullah Ocalan û li hemberî sûcên mirovayetiyê yên li dijî Kurdistanê, em ê paradîgmaya Rêbertiya xwe û berxwedana gerîlayan ji xwe re bikin esas û em ê li qadan bin.”

Siyasetmedar Nejdet Atalay jî di çalakiyê axivî û got “Gelê Kurd xwedî li pêngava ‘Dawî li tecrîd, dagirkerî û faşîzmê bîne, dem dema azadiyê ye’ derdikeve û li hemberî bêdengiya saziyên navneteweyî nerazîbûna xwe tîne ziman. Heta ku azadiya Rêberê Gelê Kurd pêk were û êrişên qetlîamê yên li ser Kurdistanê bi dawî bibe, em ê li qadan bin.”

Piştî axaftinan gelê Kurd çalakiya rûniştinê domandin.