Serokê berê yê Partiya Demokrat a Sosyal (SPD) Martîn Schûlz ji rojnameya Rhenische Post a li Dusseldorfê derdikeve re axivî. Schûlz desteka Tirkên li Elmanyayê ji bo Erdogan nirxand.

Schûlz têkildarî  pîrozbahiyên alîgirên Erdogan yên piştî hilbijartinê wiha got; “Tirkên li Elmanyayê dijîn û bûyîn hemwelatiyên Elmanyayê ev 3 yan 4 nifş in di gelek aliyan de mexdûr bûne. Pîrozkirina lîderekî otorîter nayê qebûlkirin”.

Schûlz diyar kir ku piştî serketina Erdogan a di hilbijartinê de wê Erdogan hê bêhtir otorîter bibe û wiha got; “Wê hemû pêdiviyên di destê xwe de bi kar bîne û wê bixwaze hemû welat bixe ser xeta xwe divê ji bo vê amadekariyên me hebin.”