Şansolyeyê Elmanyayê Friedrich Merz têkildarî êrîşên dawî yên Îsraîlê li ser Xezeyê fikarên xwe anî ziman û destnîşan kir ku zirara ku li sivîlan hatiye kirin êdî bi şerê li dijî Hamasê nayê rewakirin.
Şansolyeyê Elman di hevpeyvîna televîzyona WDR’ê de ev tişt anî ziman: "Di rojên dawî de zirarên li dijî sivîlan her ku diçe zêdetir dibe û êdî nikare wekî şerê li dijî terorîzma Hamasê were rewakirin."
Merz bi taybetî rexne li stratejiya leşkerî ya Îsraîlê kir û diyar kir ku ew êdî armancên artêşa Îsraîlê fêm nake.
Merz wiha axivî: "Ez êdî fêm nakim ku artêşa Îsraîlê li Xezeyê çi dike û çima nifûsa sivîl ewqas bandor dibe."
Şansolyeyê Elman got ku vê hefteyê bi Serokwezîrê Îsraîlê Binjamin Netanyahu re bi telefonê biaxivî û jê xwest ku "zêdegaviyê” neke.
Merz wiha domad: "Divê hikûmeta Îsraîlê amade be ku tiştên ku dostên wî yên herî baş qebûl nekin, ew jî neke."
