Piştî ku Serokkomar Bacî Kaîl el Sebsî bi daxuyaniyekê got, "Vegera cîhadîstên li derveyî welat nikare bê astengkirin", bi hezaran kes li paytext Tûnisê daketin kolanan û xwepêşandanek lidar xistin.

Li ser banga saziyên civaka sivîl, 1500 kes li ber avahiya Parlamentê li hev civiyan û nerazîbûn nîşanî daxuyaniya El Sebsî ya li ser 'vegera cîhadîstan' dan. Xwepêşandêran bi pankart û dowîzên xwe, negirtina tedbîran li pêşiya dibetiya vegera çeteyan, protesto kirin.

Li gorî texmînên Neteweyên Yekbûyî (NY), li Iraq, Sûriye û Lîbyayê bi qasî 5 hezar Tûnisî tevlî komên cuda yên çete bûne.

Serokkomar Bacî Kaîd el Sebsî çend hefte beriya niha daxuyaniyek da bû û diyar kiribû,kesên tevlî çeteyên selefî bûne dixwazin vegerin welêt, lê belê ji bo van kesan cih di girtîgehan de nîne.